குட்டிக் கைகள் குட்டிக் கால்கள்

குட்டிக் கைகள் குட்டிக் கால்கள்
கொண்ட குட்டிப் பாப்பா!
கட்டிப் பிடித்து முத்தம் கொடுக்கும்
சுட்டித் தங்கப் பாப்பா!

ஒட்டிக் கொண்டு அம்மா இடுப்பில்
உட்கார்ந் திருக்கும் பாப்பா!
எட்டிச் செல்லும் சுட்டிப் பாப்பா
எவரும் கிட்டப் போனால்!

குட்டிப் பொம்மை குண்டுப் பொம்மை 
கொடுத்தால் சிரிக்கும் பாப்பா!
தொட்டுத் தொட்டுப் பொம்மை உருட்டித்
தூங்கிப் போகும் பாப்பா!